नेपाली अभिनेत्री तथा मोडल मुना गौचन यतिबेला बलिउड सहर मुम्बईमा विभिन्न प्रोजेक्टमा व्यस्त छिन् । अराज केशवको फिल्म ‘जालो’बाट अभिनयमा डेब्यु गरेकी मुनाले त्यहाँ आफ्नो भाग्य अज्माउँदैछिन् ।
केही साताअघि बलिउड अभिनेता रणवीर सिंहसँगको तस्वीरबाट उनको मुम्बई व्यस्तताको अनुमान गरिएको थियो । मुनाले यसै साता बलिउड अभिनेता रणवीर कपुरसँग एक विज्ञापनमा काम गरिन् । एसियन पेन्ट्सको यो विज्ञापनमा रणवीर र मुना दुवै एकसाथ फ्रेममा आएका छन् ।
रणवीरसँग स्क्रिन सेयर गरेको तस्वीर सेयर गर्दैै मुनाले ‘जादू र जादूगर’ उल्लेख गरेकी छन् । विज्ञापन छायांकन सेटबाट सार्वजनिक तस्वीरहरुमा मुना र रणवीर क्यान्डिड र प्रसन्न देखिएका छन् । स्रोतका अनुसार मुनाले चाँडै एक नेपाली फिल्ममा अभिनय गर्दैछिन्, जसको तयारी भइरहेको छ ।
