नेपाल एयरलाइन्सका पाइलट तथा कलाकार विजय लामाले चलचित्र विकास बोर्डले फेब्रअरी १२ देखि १५ सम्म दुबईमा गर्न लागेको ‘नेपाल्स सिनेमा फेष्ट २०२३’ मा आफ्नो संलग्नता नरहेको बताएका छन् । सामाजिक सञ्जालमार्फत लामाले सो कुराको जानकारी दिएका हुन् ।
लामाले बोर्डले आयोजना गर्न लागेको सो कार्यक्रमको पोष्टरमा आफ्नो स्वीकृति बिना तस्बिर राखेको भन्दै गुनासो समेत पोखेका छन् ।
उनले भनेका छन् : ‘यही पोष्टमार्फत यस कार्यक्रमसँग मेरो कुनै पनि संलग्नता नभएको जानकारी गराउन चाहान्छु । आइन्दादेखि कसैले पनि मेरो तस्बिर चलाउन परे पूर्व सूचना या स्वीकृत लिएर मात्रै गर्नुहोला ।’
