आफूभन्दा धेरै उमेरकी अभिनेत्री मलाइका अरोरासँग अफेयरमा रहेका कारण चर्चामा आइरहने अभिनेता अर्जुन कपुर फेरि एकपटक सामाजिक सञ्जालमा छाएका छन् ।
लामो समयदेखि अफेयरमा रहेका मलाइका र अर्जुनले आफ्नो अफेयरलाई गोप्य राख्दै आएपछि केही समयदेखि उनीहरुबीचको सम्बन्ध भने बाहिरिएको छ । मलाइका र अर्जुनले एक अर्काको बारेमा निकै काम कुरा गर्ने गर्छन् ।
यसैबीच, केही दिन अगाडि दुवैको सम्पत्तिलाई तुलना गरेर न्यूज रिपोर्ट आएको थियो । उक्त समाचारमा मलाइकाको कमाई अर्जुनको भन्दा धेरै रहेको बताइएको थियो ।
उक्त रिपोर्टका अनुसार मलाइका अरोडाको कुल कमाई १०० करोड –भारतीय) रहेको र उनी एउटा फिल्ममा आइटम नम्बरको लागि १.७५ करोड रुपियाँ लिने गरेको उल्लेख छ ।
यसका साथै, उनले रियालिटी शोको लागि भारी रकम लिने गरेको समेत बताइएको थियो । यद्यपि, अर्जुन कपूरको कुल कमाई भने ८८ करोड रहेको छ । मिडियामा आएको उक्त रिपोर्टपछि अर्जुन रिसाएका छन् । उनले उक्त रिपोर्टको निन्दा गरेका छन् ।
उनले लेखेका छन्, ‘२०२१ मा यस्ता डेडलाइन आउनु निकै लज्जास्पद छ । वास्तवमै उनी निकै राम्रो कमाई गर्छिन् । उनले उक्त स्थानमा पुग्नका लागि निकै कठिन मेहनत गरेकी छन् उनको तुलना कसैसँग पनि हुनुहुँदैन । म सँग पनि गर्नु उचित छैन ।’ पोस्ट् गरेको केही समयपछि उनले पोस्ट् डिलिट गरे ।
