क्रेजी संवाददाता
कानेपोखरी । कानेपोखरी आईटिएफ तेक्वाण्डो डोजाङ्गले विभिन्न बेल्ट ग्रेडिङबाट ८१ जना खेलाडीलाई बेल्ट प्रदान गरेको छ ।
शनिबार सम्पन्न आईटिएफ तेक्वाण्डो प्याटन तर्फको ग्रेडिङबाट ८१ जना खेलाडीले बेल्ट र प्रमाण पत्र प्राप्त गरेको हो । कार्यक्रमको प्रमुख अतिथि प्रदेश १ आईटिएफ तेक्वाण्डो संघको अध्यक्ष प्रविन कार्कीले खेलाडीलाई प्रमाण पत्र वितरण गरेका थिए ।
बेल्ट ग्रेडिङ्ग स्टेप रेड १ जना, स्टेप ब्लु ३ जना, ग्रिन बेल्ट २१ जना, स्टेप ग्रिन ३० जना, एल्लो बेल्ट २६ जना गरी जम्मा ८१ जनाले बेल्ट पाएको आईटिएफ तेक्वाण्डो डोजाङ्ग कानेपोखरी अध्यक्ष तथा प्रशिक्षक युवराज भुजेलले बताए ।
