बलिउड अभिनेत्री भाग्यश्रीले विवाह गरेकी छिन् । यस्तो कसैले भन्छन् भने तपाईं पक्कै पनि हाँसो उठ्ला । तपाईंले भन्नु होला कि उनी त पहिलेदेखि नै खुसियालीपूर्ण वैवाहिक जीवनमा छिन् ।
कहानीमा ट्वीस्ट यो हो कि भाग्यश्रीले दोस्रो पटक विवाह गरेकी छन्, त्यो पनि आफ्नै श्रीमान हिमालय दसानीसँग । हामीले यत्ती मात्रै भन्दा तपाईंमा उत्सुकता जाग्यो होला । भाग्यश्रीले रियालिटी शो स्मार्ट जोडीको सेटमा आफ्ना श्रीमानसँग पुनः विवाह गरेकी हुन् ।
दुवैले एक अर्कालाई वरमाला लगाएको प्रोमो सार्वजनिक भएको छ । यो प्रोमोलाई व्यापक मन पराइएको छ । भाग्यश्रीले विवाह त गरिन्, तर आफ्नो वास्तविक विवाह बारे झस्काउने खालको खुलासा पनि गरेकी छिन् ।
आफ्नो विवाहमा दुुवैको परिवार समावेश नभएको अभिनेत्रीले बताइन् । भाग्यश्रीले हिमालयसँग भागेर विवाह नगरेको पनि उनले बताइन् । उनको भनाई थियो–मेरो तर्फबाट विवाहमा कोही थिएन । नत उनको तर्फबाट ।
आफ्ना आमा–बुवासँग हिमालयसँग विवाह गर्न खोजेको बताएपछि उनीहरु नमानेको पनि उनले बताइन् । ‘आमा बुवाको बच्चाका लागि सपना हुन्छ, तर बच्चाका लागि आफ्नो सपना पनि हुन्छ ।
कहिलेकाहीँ उनको सपनाका अनुसार उनीहरुलाई जिउन दिनु आवश्यक छ । किनकी आफ्नो जीवन उनीहरु आफँै बिताउन चाहन्छन् ।’ भाग्यश्री र हिमालयको जोडी स्मार्ट जोडिको रुपमा मन पराइन्छ । उनीहरु एक शोको १६ लाख रुपैयाँ चार्ज लगाउँछन् ।
