राफेल नाडाल बुधबार अस्ट्रेलियन ओपन २०२३ को दोस्रो चरणको खेलबाट बाहिरिएका छन् ।आफ्नो २३ औं ग्रान्ड स्लाम एकल उपाधि जित्ने दौडमा रहेका नाडाल अमेरिकाका म्याकेन्जी म्याकडोनाल्डसँग तीन सेटमा पराजित भएपछि प्रतियोगिताबाट बाहिरिएका छन् ।
स्पेनिस टेनिस खेलाडी चोटका कारण खेलको क्रममा ‘मेडिकल टिम आउट’ लिए । त्यसपछि पनि जब उनी मैदानमा फिर्ता भए तब उनी दुखेकै अवस्थामा खेलिरहेको देखिए । उनलाई कम्मर नजिकै चोट लागेको छ ।
पहिलो राउण्डमा ज्याक ड्रेपरसँगको खेल जित्न उनले निकै संघर्ष गर्नुपरेको थियो । यो राउण्डमा उनले खेल ७–५,२–६, ६–४, ६–१ ले जित्दै दोस्रो चरणमा प्रवेश गरेका हुन् ।
