– भुमिप्रसाद पाठक
मोरङको पथरीशनिश्चरे–१ को पञ्चायत माविको खेल मैदानमा प्रथम वडास्तरीय नकाउट क्रिकेट प्रतियोगिता २०७५ वडा नं–३ को उद्घाटन खेलमा वडा नं–३ विजयी भएको छ । यस्तै वडा नं ४ लाई ६ विकेट पराजित ग¥यो त्यसैगरी दोस्रो खेलमा वडा नं–१ ले ६ लाई २ सय तिनको टार्गेटमा ७ विकेट १ नंबर वार्डले लिएको थियो । १३८ रनमा पराजित गर्दै २ विकेट संगै वडा नं–६ को समाप्ती भयो ।
कार्यक्रममा विशिष्ट अतिथि वडा नं–२ का वडाध्यक्ष यामप्रसाद गुरागाई, प्रमुख अतिथि वडा नं–१ का वडाध्यक्ष बाबुराम ऐङ्देन रहेका थिए । यसरी नै अतिथिहरुमा वडा नं. १० का वडा सदस्य अनोज घिमिरे, वडा नं. ७ का वडा सदस्य काशीहाङ् राई सातकै सदस्य बिर्ख बहादुर मगर, वडा नं. १ का वडा सदस्य दुर्गाप्रसाद सिटौला, वडा नं.२ का वडा सदस्य महिला अरुणा राई लगायत रहेका थिए । कार्यक्रममा स्थानीय समाजसेवीहरु धनकुमार तामाङ, संजीव गिरी र सन्तोष कटुवाल लगायतको उपस्थित रहेको थियो ।
कार्यक्रमको अध्यक्षता नगर खेलकुद विकास समिति अध्यक्ष मनी लिम्बुले गरेका थिए । भोली (शनिबार) बिहानको पहिलो खेल ८ बजे वडा नं–७ र ८ को प्रतिस्पर्धा रहने र दोस्रो खेल दिउंसो १ बजे वडा नं. ५ र २ को प्रतिस्पर्धा हुने नगर खेलकुद विकास समितिका उपाध्यक्ष समेत रहेका सन्तोष कटुवालले जानकारी दिए ।
