मोरङको सुन्दरहरैचा नगरपालिका बडा नम्बर २ मा अवस्थित मृगौलियाको सभाहलमा ५ दिने उद्घोषण तथा भाषण कला तालिम आज सम्पन्न भएको छ ।
मानवअधिकार संरक्षण मञ्चको आयोजना तथा सुन्दरहरैचा–२ को सहयोगमा सो तालिमको औपचारिक समापन गरिएको हो । वडाको महिला कार्यक्रम अन्तर्गत सो तालिम आयोजना गरिएको कार्यक्रमका प्रमुख अतिथि वडाका वडा अध्यक्ष डोरीलाल चौधरीले बताए । महिलाको क्षमतामा बिकास गर्ने उद्देश्यले सो कार्यक्रमको आयोजना गरिएको उनले बताएका छ्न । सो तालिममा ३० जना महिलाहरुको सहभागीता रहेको कार्यक्रमका सम्योजक टेकराज तिम्सिनाले बताएका छन् । कार्यक्रमको सभापतित्व मानवअधिकार संरक्षण नेपालका अध्यक्ष पुजन भण्डारीले गरेका थिए भने ५ दिने सहजीकरण मनजरी घिमिरेले गरेकी थिइन् । यश खाले तालिमको आयोजनाले महिलाको आत्मबलमा थप उर्जा मिल्ने भएकाले धन्यवाद सहित आगामी दिनमा पनि यस्तै अन्य कार्यक्रमको आयोजना गर्न सहभागीहरुले आग्रह गरेका थिए ।
