क्रेजी साप्ताहिक ताप्लेजुङ । भिरबाट लडेर ताप्लेजुङको पाथिभरा याङवरक गाउँपालिका २ माङजाबुङ बस्ने २६ बर्षीय उदय लिम्बुको मृत्यु भएको छ । घरबाट खर काट्न भनी सोमवार दिउँसो हिडेका लिम्बु बेलुका सम्म घर फर्केर नआएपछी खोजि गर्दा कोलडाँडा भिरबाट लडी घाईते अवस्थामा फेला परेका थिए । घाईते लिम्बुलाई घर ल्याईएकोमा राती १२ बजे मृत्यु भएको थियो ।
घटनाको थप अनुसन्धान र कानूनी प्रकृयाको लागि जिल्ला प्रहरी कार्यालय ताप्लेजुङबाट प्रहरी टोली खटी अनुसन्धान कार्य भईरहेको जिल्ला प्रहरी कार्यालय ताप्लेजुङले जनाएको छ ।
