एएस रोमालाई हराउँदै क्रेमोनेसेले इटालियन सिरिए एको यो सिजनमा पहिलो जीत हासिल गरेको छ । योसँगै वेस्ल टोली एयरबस युके युरोपको पहिलो डिभिजनको लिगमा यो सिजन जीत हासिल गर्न बाँकी एक मात्र टोली बनेको छ । मंगलबार राति भएको खेलमा क्रेमोनेसे २–१ गोलले विजयी बन्यो ।
फ्रांक साजोटले गोल गर्दै क्रेमोनेसेलाई अग्रता दिलाएका थिए तर लियोनार्डो स्पिनाजोलाले बराबरी गोल फर्काएका थिए । खेलको अन्त्यतिर ड्यानियल सियोफानीले पेनाल्टीबाट गोल गर्दैक्रेमोनेसेलाई ऐतिहासिक जीत दिलाए । क्रेमोनेसे यसअघि लिगका ३० खेलमा जीतविहीन रहेको थियो । सन् १९९५–९६ मा पछिल्लो समय टोली इटालीको पहिलो डिभिजनमा रहेको थियो ।
