क्रेजी संवाददाता
मोरङ । सोमबार मोरङको कानेपोखरी–६ मा रमाइलोमा स्थापित जेनिथ इङ्लिस स्कुलले आफ्नो १४ औँ वार्षिक उत्सव तथा अभिभावक दिवस भव्य रुपमा मनाएको छ ।
शैक्षिक सत्र २०७८ मा प्रथम, द्धितीय, तृतीय हुने र वार्षिक खेलकुद प्रतियोगिता जित्ने २०५ जना बिद्यार्थीहरुलाई पुरस्कार प्रदान तथा सांस्कृतिक कार्यक्रमको आयोजना गरी दिवस मनाएको हो ।
विद्यार्थीहरुलाई पुरस्कार प्रदान गर्नुको साथै कार्यक्रममा नाटक, गीत, तथा धिमाल, मगर, तामाङलगायतका सांस्कृतिक नृत्य प्रस्तुत गरिएको थियो । नृत्य शिक्षक र शिक्षिकाहरुले पनि नृत्य प्रस्तुत गर्नुभएको थियो ।
अभिभावक दिबसको अवसरमा स्कुलले फागुन ७, ८ र ९ गते तीन दिन वार्षिक खेलकुद कार्यक्रमको आयोजना गरेको थियो । भलिवल, फुट्सल, हाजिरिजवाफ प्रतियोगिता, रेस, सेक रेस लगाएत १२ वटा खेलहरुमा प्रतियोगित गराइएको प्रिन्सिपल जयबहादुर राईले जानकारी दिए ।
कार्यक्रमका प्रमुख अतिथि कानेपोखरी गाउँपालिका अध्यक्ष राजमती इङ्नाम, वडा नं. ६ का वडा अध्यक्ष खड्ग बस्नेत, इलाका प्रहरी कार्यालय पथरीका डीएसपी लक्ष्मि भण्डारी लगायतको हातबाट पुरस्कार वितरण भएको थियो ।
प्रमुख अतिथि इङ्नामले गाउँपालिकाले पढ्ने बुहारीहरु, प्राविधिक शिक्षा अध्ययन गर्नेलाई छात्रावृती, कक्षा ११, १२ पढ्ने विद्यार्थीलाई निशुल्क गरिएको बताए । कार्यक्रममा ६ नं. वडा अध्यक्ष खड्ग बस्नेत, माउण्ट हर्मोन चिल्डेलन एकेडेमीका निर्देशक राजेश कार्कीले शुभकामना मन्तव्य दिएका थिए ।
कार्यक्रममा रमाइलो प्रहरी चौकीका प्रमुख धनश्याम पाण्डे, रेडक्रस सोसाईटी बयरवन शाखाका अध्यक्ष टिका बहादुर थापा, न्यू देवकोटा इङ्लिस स्कुलका प्रिन्सिपल नन्द कुमार राजवंशी, खिलाराज भट्टराई लगायत रहेका थिए ।
विद्यालय संचालक सदस्य अशोक फुयलको सभापतित्वमा भएको कार्यक्रममा स्वागत मन्तव्य प्रिन्सिपल जयबहादुर राई र सञ्चालन निर्देशक दिनेश सुब्बाले गरेका थिए ।
