क्रेजी साप्ताहिक
पथरी । पथरीशनिश्चरे नगरपालिका कार्यालयले आफ्नो नगरमा भएका र हुने योजनाहरुको काम चुस्त दुरुस्त सम्पन्न गर्न सम्वद्ध पक्षलाई निर्देशन दिएको छ । नगरपालिका उपप्रमुख एवम् अनुगमन् समिति संयोजक यमुना विष्ट वास्तोलाको टोलीले विभिन्न योजनाहरुको अगुगमन्का क्रममा यस किसिमको निर्देशन दिएको ।
अनुगमन् समिति संयोजक बास्तोलाले गुणस्तरीय काम गरेर नगरको विकास गर्न आम नगरवासीको दायित्व भएको हुँदा नगरवासीले पनि आ–आफ्नो ठाउँमा भइरहेको कामको चासो दिएर हेर्न अनुरोध गरिन् । उनले केही स्थानको कामको गुणस्तरीयताको परीक्षणका लागि नमूना समेत संकलन गरिएको बताइन् । टोलीले ३ र ७ को सीमानाको पुल, ९ नम्वरस्थित रिंगुवाको ड्रेन, ७ को किर्तिपुर क्षेत्रका सडक लगायतको पछिल्लो पटक अनुगमन् गरेको हो ।
