क्रेजी साप्ताहिक
पथरी । मनी ट्रान्सफरको रकम चौरी गर्ने दुई जनालाई प्रहरीले धनुषाबाट नियन्त्रणमा लिएको छ । यदुकोहास्थित पारस मनि ट्रान्सफरको सटरको ताला फुटाइ टेबुलको घर्राबाट नगद ३ लाख ३९ हजार ५०० रकम चोरी गरी फरार उनिहश्रलाई प्रहरीले पक्राउ गरेको हो । पक्राउ पर्नेमा धनुषा जिल्ला शहीद नगरपालिका–३, गोठकुहाका ११ वर्षीय गोविन्द यादव र सोही वडाका २८ वर्षीय रामु यादव रहेका छन् ।
रकमसहित शङ्कास्पद रूपमा हिँडिरहेको अवस्थामा गोविन्द यादवलाई गस्ती टोलीले पक्राउ गरेको हो । जिल्ला प्रहरी कार्यालय, धनुषाका अनुसार रकमसहित पक्राउ परेका गोविन्दलाई इलाका प्रहरी कार्यालय यदुकोहाबाट चोरी मुद्दामा १० दिन म्याद थप गरी अनुसन्धान कार्य शुरू गरिएको छ । त्यस्तै अनुसन्धानका क्रममा सोही घटनामा शङ्कास्पद देखिएका रामु यादवसमेतलाई नियन्यणमा लिई थप अनुसन्धान भइरहेको बताइएको छ ।