क्रेजी साप्ताहिक
पथरी । परराष्टमन्त्री प्रदीप ज्ञवालीले टेलिभिजन प्रस्तोता रवि लामिछाने कानुनभन्दामाथि नभएका बताएका छन् । उनलाई प्रहरीले अनुसन्धानको सिलसिलामा प्रहरीले पक्राउ गरेको बताउदै सो कुरा वताएका हुन् ।
गृहजिल्ला गुल्मीमा गरिएको पत्रकार सम्मेलनमा बोल्दै मन्त्री ज्ञवालीले कोही पनि व्यक्ति कानुन भन्दामाथि नहुने र कानुन सवैलाई लाग्ने बताएका छन् । नुवाकोटका पत्रकार शालिकराम पुडासैनी आत्महत्याको सिलसिलामा अनुसन्धानका लागि लामिछानेलाई चितवन प्रहरीले पक्राउ गरी पाँच दिन म्याद थपेपछि भएका विरोधका सन्दर्भमा मन्त्री ज्ञवालीले यसो भनेका हुन् । मन्त्री ज्ञवालीले कानुनले सबैलाई समान मान्ने भन्दै घटनालाई अतिरञ्जित गर्न जरुरी नहरेको स्पष्ट पारे ।
ामन्त्री ज्ञवालीले पुडासैनीको भिडियो आफूले पनि हेरेको जानकारी दिए । भिडियोबारे पनि प्रहरीले अनुसन्धान गरिहेको उनको भनाइ थियो । ’रविजी पनि कानुनभन्दा माथि हुनुहुन्न । सोधपुछका लागि प्रहरीले उहाँलाई पक्राउ गरेको हुनुपर्छ’, मन्त्री ज्ञवालीले भने, ‘भिडियो इडिटको कुरा आएको छ । त्यसबारे पनि प्रहरीबाट अनुसन्धान हुनेछ ।’ पत्रकार सम्मेलनमा मन्त्री ज्ञवालीले मरेको मानिसले नामै तोकेर आत्महत्या गर्न बाध्य पारेको भनेपछि प्रहरीले अनुसन्धान गर्नु स्वभाविक भएको बताए।
