क्रेजी साप्ताहिक
पथरी । मोरङको पथरी शनिश्चरेमा अवस्थित हरियाली सामुदायिक वन उपभोक्ता समूहले निम्न वर्गीय पाँच घर परिवारलाई छानो छाउन जस्ता पाता वितरण गरेको छ ।
शनिबार पथरी शनिश्चरे– ३ का वीरबहादुर बराइली, आइतबहादुर मगर, देउमाया लिम्बु, ७ नम्बर वडाका आशबहादुर लिम्बु र कुमारी रोकाको परिवारलाई जस्ता पाता वितरण गरेको हो ।
कुमारी रोका र आशबहादुर लिम्बुलाई दुई र तीन परिवारलाई चार बन्डेलको दरले १ लाख ५० हजारको निलो कलरको जस्ता घरैमा पु¥याइदिएको हरियालीले सामुदायिक वन समूहका अध्यक्ष काबुलबहादुर मगरले जानकारी दिए ।
जस्ता वितरण कार्यक्रममा ३ नम्बर वडा सदस्य गिरीराज पोख्रेल, समूहका कोषाध्यक्ष दिलबहादुर तामाङ, सदस्यहरु आतेजङ्ग राई, कुमारी शाही, पूर्णकुमारी तामाङ, लेखा समिति संयोजक केशव दाहाल लगायतको सहभागिता रहेको थियो ।
छाना छाउन नसकेर लथालिङ्ग अवस्थाको र पुरानो छानोबाट पानी चुहिने उपभोक्ताहरुलाई जस्ता पाता वितरण गरिएको अध्यक्ष मगरले बताए ।
वैज्ञानिक वन व्यवस्थापनमा नेपालकै उत्कृष्ट हुन सफल हरियाली सामुदायिक वनले यसअघि ४ परिवारलाई घर निर्माण गरेर प्रदान गरेको गरीबी न्यूनीकरण उपसमितिको संयोजक आतेजङ्ग राईले बताए । यसरी अति विपन्न उपभोक्ताहरुलाई हरियालीले हरेक समय सहयोग गर्दै आइरहेको छ ।
