क्रेजी संवाददाता
पथरी । मोरङको पथरी शनिश्चरे–२ शान्ति चौकमा स्थापित रेडस्टार माध्यमिक विद्यालयका विद्यार्थीहरूले विशेष कार्यक्रमको आयोजना गर्दै बाल दिवस भव्य रुपमा मनाएका छन् ।
शुक्रबार ६० औं बाल दिवसको अघिल्लो दिन नै विभिन्न कार्यक्रमहरूको आयोजना गर्दै विद्यार्थीहरूले आ– आफ्नो कविता, गीत, नृत्य लगायतका प्रतिभाहरू प्रस्तुत गरेका हुन् ।
विद्यालय क्याप्टेन आराध्य खड्काको अध्यक्षता तथा रेडस्टार माध्यमिक विद्यालयका निर्देशक तथा प्रिन्सिपल टि. एन. तिम्सिनाको प्रमुख आतिथ्यतामा रहेको थियो ।
यसैगरी सो बाल विशेष कार्यक्रममा विद्यालयका संस्थापक राजु तिमिल्सिना, विजय डाँगी, सहायक प्रिन्सिपल बसन्त मादेन, शिक्षक शिक्षिकाहरू समेत लगायतको उपस्थिति रहेको थियो । कक्षा–४ देखि १० सम्मका विद्यार्थीहरुले तहगत प्रस्तुतिहरू दिएको सो कार्यक्रममा विद्यार्थीहरुका विभिन्न जोडीले सञ्चालन गरेका थिए ।
