क्रेजी साप्ताहिक
पथरी । युवतिलाई चिया खान बहानामा कोठामा बोलाएर यौन दुर्व्यवहार गरेको आरोपमा एक युवा पक्राउ परेका छन् । कालीकोट खडाचक्र स्थायी घरभई हाल ललितपुर महानगरिपालिका–१५ सातदोबाटोमा बस्ने दत्तबहादुर शाही पक्राउ परेका हुन् ।
२२ वर्षीया एक युवतीलाई चिया खान जाउ भन्दै शाहिले आफ्नो कोठामा लगि कोठाको चुकुल लगाएर यौन दुर्व्यवहार गरेको पीडित युवतिको भनाई छ । शाहीले दुव्र्यवहार गरेपछि पीडित महिला भागेर महानगरीय प्रहरी वृत्त सातदोबाटोलाई जानकारी गराएकी थिइन् । प्रहरीलाई जानकारी प्राप्त हुनसाथ असोज २७ गते राती ११ बजे शाहीको कोठामा प्रहरी गइ शाहीलाई तत्कालै नियन्त्रणमा लिइएको वृत्त प्रमुख डिएसपी गौतम मिश्रले बताए । शाहीलाई यौन दुर्व्यवहारमा म्याद थप गरी आवश्यक अनुसन्धान गरिरहेको वृत्त प्रमुख मिश्रको भनाई छ ।
