केबी गुरुङ, अध्यक्ष
शान्ति सामुदायिक वन उपभोक्ता समूह
पथरीशनिश्चरे–१, मोरङ
पथरीशनिश्चरेमा अवस्थित ११ वटा सामुदायिक वन मध्ये शान्ति सामुदायिक वनले भने आफ्नो छुट्टै छाप स्थानीय स्तरमा बनाइरहनु प्रयत्न गरिरहेको छ । वन संरक्षण र सम्वद्र्धन संगसंगै पर्यटनलाई शान्ति वनले आफ्नो मुख्य आम्दानीको स्रोतको रुपमा विकास गर्दै लगेको छ ।
हाल शान्ति वने साधारणसभाको संघारमा रहेको छ । यस वनमा भइरहेका गतिविधिका बारे अध्यक्ष कुलबहादुर गुरुङसंग गरिएको संवाद :-
हाल के मा व्यस्त हुनुहुन्छ ?
– अहिले पछिल्लो समय वनको आफ्नो ९ औं निर्वाचन अधिवेशन तथा साधारणसभा नजिकै आउदैछ । साधारणसभाका लागि आवश्यक प्रतिवेदन, छलफल यस्तै यस्तै लगभग तयारी पूरा भइसकेको छ । साधारणसभासंगै वनको नियमित काम, पर्यटकीय क्षेत्रको व्यवस्थापन, नयाँ बन्दै गरेका संरचना सबै कुरामा ध्यान दिनुपर्छ । मेरो दैनिकी यसरी नै बित्ने गरेको छ ।
साधारणसभाको तयारी कस्तो छ ?
– भोलिदेखि यो साधारणसभा मात्रै नभएर चुनावी साधारणसभा अर्थात् निर्वाचन अधिवेशन पनि हो । यसरी हेर्दा हरु समय भन्दा अलिक वढी तयारी त गर्नु पर्छ नै । नियमित रुपमा बनाउनुपर्ने प्रतिवेदन, आगामी योजना तथा कार्यक्रमहरु त लगभग तयारी हुने क्रममा छन् । निर्वाचन सहितको साधारणसभा भएकाले नयाँ जिम्मेवारी, पुराना साथिहरुको सोचाइ के छ रु आम उपभोक्ताहरुको विचार के छ रु सबै कुरामा ध्यान दिनुपरेको छ । अध्यक्षको नाताले पनि मैले धेरै जिम्मेवारी बहन गर्नुपर्ने हुन्छ नै त्यसको अलावा पनि साथीहरुसंगको छलफल, व्यवस्थापनका कुरा, जिम्मेवारी बाँडफाँड गर्ने कुरा, यस्तै यस्तै छ अहिलेको तयारी ।
निर्वाचन सहितको साधारणसभा रहेछ, तपाइको पनि उम्मेद्वारी रहन्छ नि ?
–पहिलो कुरा त मैले एक कार्यकाल अध्यक्ष पदमा जिम्मेवारी वहन गरिसकेको छु । यो अवधिमा कति समय सिक्ने क्रममा नै व्यतित भए भने जे जति भएता पनि काम गर्ने अवधी पनि रहयो । छोटो अवधिमा थुप्रै कामहरु गरेका छौँ र संगै अनुभव पनि लिएका छौँ । अब मैले अहिले नै मेरो उम्मेद्वारी घोषणा गर्ने समय भएको छैन । हामी अझैपनि साधारणसभालाई कसरी सम्पन्न गर्ने भन्ने विषयमा नै केन्द्रीत छौँ । अब सल्लाह गर्दा नयाँ साथीहरुको चासो र आकांक्षा पनि उत्तिकै छ । यदि सबै साथिहरुको साथ र सहयोग भएको खण्डमा पूनः दोस्रो कार्यकालका लागि पनि अध्यक्ष पदमा रहने सोच बनाएको छु । हामी सल्लाहकै क्रममा छौँ । सक्षम साथीहरु आएको खण्डमा जिम्मेवारी दिनुपनि पर्छ भन्ने लाग्छ । अहिले नै मेरो उम्मेद्वारी नै घोषणा भने भएको छैन । कार्तिक ४ गतेको साधारणसभापछि यो सबैकुराको टुङ्गो लाग्ने छ ।
पर्यटनका क्षेत्रमा पनि काम गर्दै हुनुहुन्छ, के– के गर्नुभयो शान्ति सामुदायिकले पर्यटनको क्षेत्रमा ?
– हाम्रो मुख्य उद्देश्य भनेको नै पर्यापर्यटनलाई अगाडि बढाउदै वन नियम अनुसार वन संरक्षण र सम्बद्र्धन गर्ने हो । शान्ति सामुदायिक वनले छोटो समयमा नै शान्ति भुल्के सिमसार निर्माण गरी संचालनमा ल्याएको छ । सो सिमसारमा अहिले पूर्वका अधिकांश मानिसहरुको जमघट हुने गरेको छ, घुम्न, विदा मनाउन, गर्मी छल्न आउने क्रम रहेको छ ।
– रातोकलमबाट