भद्रपुर- झापामा मोटरसाइकल दुर्घटना हुँदा एकजनाको मृत्यु भएको छ भने अन्य दुईजना गम्भीर घाइते भएका छन् । भद्रपुरमा तीनजना सवार मोटरसाइकल दुर्घटन हुँदा भद्रपुर नगरपालिका–८ का २० वर्षीय किशोर प्रधानको मृत्यु भएको प्रहरीले जनाएको छ । प्रहरीकाअनुसार दुर्घटनामा परेर घाइते भएका मोटरसाइकल चालक प्रधानको उपचारको क्रममा ओम साई पाथिभरा हस्पिटल भद्रपुरमा मृत्यु भएको हो । मोटरसाइकलको पछाडि सवार भद्रपुर–८ का २० वर्षीय प्रताप तामाङ र २६ वर्षीय आशीष राई गम्भीर घाइते भएका छन्। उनीहरुको बिर्ता सिटी हस्पिटल बिर्तामोडमा उपचार भइरहेको प्रहरीले जानकारी दिएको छ ।
प्रहरीका अनुसार सोमबार बिहान साढे १ बजे केचना—चाराआली सडकखण्डअन्तर्गत भद्रपुर–४ झिलमिलीया पुल नजिकै दक्षिणीबाट उत्तरतर्फ आइरहेको मे ४ प ७७९५ नम्बरको मोटरसाइकल अनियन्त्रित भई दुर्घटना भएको हो। मोटरसाइकलमा सवार तीन जनाले नै मादक पदार्थ सेवन गरेको खुलेको प्रहरीले बताएको छ।
