विवाह गर्नु अघि के–के भन्नुभयो ?
– जग्गा जमिन र भएको सम्पत्ति सबै मेरो नाममा गरिदिन्छु भन्नुभाको छ ।
सम्पत्तिहरु तपाईको नाममा गरिदिनुभएन भने विवाह गर्नुहुन्थ्यो ?
– कहाँ आउनु हौं, पहिला सारा सम्पत्ति आफ्नो नाममा पारेपछि पो आउनु पर्यो त ।
यदि सम्पत्तिहरु तपाईको नाममा भएन भने चाहि“ के गर्नुहुन्छ ?
– गरेन भने अर्काे सँग जानुपर्छ नि ।
सा“च्चै भन्नुभाको हो ?
– साँच्चै त अनि । यदि मेरो नाममा सम्पत्ति भएन भने अर्काेसँग पनि जान सकिन्छ नि ।
यी माथिका संवादहरु हुन् । युवा मन नेपालका कार्यक्रम प्रस्तोता किशोर श्रेष्ठ र पुजा लिम्बुको ।
इलाम चुलाचुलीका सिंह प्रसाद लिम्बुले आफू भन्दा ४७ वर्ष कान्छी श्रीमती विवाह गरेपछि गरिएको यो संवाद हो । आखिर पुजाले साँचो माया गरेर विवाह गरेका हुन् कि सम्पत्तिको लागि ? अहिले यो जोडीको अन्तरर्वार्ताहरु सामाजिक सञ्जालमा भाइरल बनेका छन् । युट्युवमा टे«न्डिङमै परिरहेको छ ।
सुन्दा र देख्दा ‘रेला’ कि ‘रियल’ दुवै हो जस्तो लाग्ने । तर, अन्तरर्वार्ता हेरिसकेपछि भने केटीको ‘मकसव’ त्यति राम्रो र जीवन काट्ने किसिमको देखिदैन । तर, पाका सिंहप्रसाद लिम्बु भने मायामा चुर्लुम्म डुबी पौडी खेलिरहेको आभाष देखिन्छ ।
पुजा जसोतसो भर्खरै २१ वर्ष टेकिन् तर सिंह प्रसाद ६७ वर्ष पुगिसकेका छन् । ‘पहिला उहाँले नै विवाहको प्रस्ताव गर्नुभयो ।’ २१ वर्षकी पुजाले भनिन्–‘भर्खरका ठिटोहरुले त छोडिहाल्छन् तर वृद्धले त छोड्दैनन् नि विवाह पक्का हुन्छ त्यही भएर विवाह गरें ।’ उनको यो भनाइमा मायाप्रतिको प्रतिवद्धता सुनिन्छ भने अन्य संवादहरुमा उनी सम्पत्तिमा मरिमेटेको देखिन्छ । यसैले उनीहरुको सम्वन्ध नै कन्फ्युजमा भन्दा अत्युक्ति नहोला ।
पुजा र सिंहप्रसाद सोल्टा सोल्टिनी भनेर जिस्कने गर्थे । सिंहप्रसादले उनलाई विवाह नै गर्छु भन्ने चाहिँ लागेको थिएन । किनभने उनलाई पुजाले मान्छिन् भन्ने पनि लागेको थिएन । सिंहप्रसादले भने–‘विवाह गर्ने प्रस्ताव राख्दा पुजाले मानिहालिन् ।’ त्यसपछि उनले आफ्नो घरमा भित्राइ छाडे । अहिले पुजाको एउटा हात अलि कमजोर छ तर घरको काम सबै पुजाले नै गर्छिन् ।
सिंह प्रसादले पुजालाई विवाहको प्रस्ताव राखेको र पूजाले पनि स्वीकार गरेकी थिइन् । सिंह प्रसादले यतिका उमेर सम्म विवाह नै नगरेका भने हैनन् । वास्तवमा उनले पुजा भन्दा अघि नै चार जना विवाह गरिसकेका छन् । पुजा त पाँचौ श्रीमती हुन् । उनको पूर्व पत्नीहरू कोहीले छोडेर गए त कोहीको मृत्यु भैसकेको सिंह प्रसाद बताउँछन् । पूजा र सिंहप्रसाद पुस महिनामा विवाह दर्ता गर्न जाने तरखरमा छन् ।
अन्ततः जे जे भएपनि सहज रुपमा कसैले अनुमान लगाउन सकेका छैनन्, यो माया नै हो या भाइरल हुनलाई मात्र हो । किनकि अहिलेको टिनएजले गर्ने मायाका स्टाइलहरु जस्तै किस गर्न, अंगालोमा राख्ने अनि सहजै रुपमा भद्दा शब्दहरु प्रयोग गर्न । उनीहरुको भिडियो युट्युवमा हेर्दा लाग्छ कसैले सिकाएर गर्न लगाए जस्तो । त्यसैले भन्न सकिन्छ ‘कन्फ्युज लभ’ ।
