नेपाली राष्ट्रिय टिमका चार खेलाडी सम्मिलित मासा युनाइटेडले पाकिस्तान राष्ट्रिय महिला फुटबल च्याम्पियनसिपमा कराँची वुमन्सलाई ३५–० गोल अन्तरले पराजित गरेको छ ।
मंगलबार भएको खेलमा मासाको जितमा नेपाली खेलाडी अनिता केसीले १६ गोल गरिन् । यस्तै मिडफिल्डर सरु लिम्बुले १० गोल गरिन् । अरिबाले ३ तथा सम्रोज समिरानाले दुई गोल गरिन् । गीता रानाले २ गोल गरिन् ।
मासाको कप्तानसमेत रहेकी नेपाली गोलकिपर एन्जिलाले समेत २ गोल गरिन् । पहिलो खेलमा मासा युनाइटेडले सियालकोट सिटीलाई १९–० गोल अन्तरले पराजित गरेको थियो भने दोस्रो खेलमा हाइयर एजुकेसन कमिसनलाई ४–० गोल अन्तरले हराएको थियो ।
