क्रेजी संवाददाता
मोरङ । मोरङको पथरी शनिश्चरे नगरपालिका स्थित ट्राफिक प्रहरी कार्यालयले कोरोना भाइरस विरुद्ध अभियान चलाएको छ । कोरोना भाइरसको जोखिम बढेपछि ट्राफिक प्रहरी कार्यालयले मंगलबार सडकमा यातायातको साधन चालक तथा यात्रिहरुलाई माक्स वितरण गरेको हो ।
ट्राफिक प्रहरी कार्यालय पथरीका प्रमुख सई शैलेन्द्रकुमार गच्छदारको नेतृत्वमा माक्स वितरण तथा सेनिटाइजर प्रयोग गर्न र सार्वजनिक यातायातको साधनहरुमा सामाजिक दुरी कायम गर्न अनुरोध गरेका छन् ।
अभियान १ नम्बर प्रदेश ट्राफिक प्रहरी कार्यालयको निर्देशनमा मंगलबार सम्पूर्ण युनिटहरुलाई अभियान सञ्चालन गर्न निर्देशन जारी गरे अनुसार प्रदेश भर कार्यक्रम भएको बताइएको छ ।
पथरीमा अखिल नेपाल यातायात मजदुर संगठनका १ नम्बर प्रदेश समिति उपाध्यक्ष पूर्ण कार्की लगायतको सहभागिता रहेको थियो ।
नगरमा इलाका प्रहरी कार्यालय पथरीले पनि कोरोना भाइरस विरुद्ध माइकिङ्ग तथा माक्स लगाउ अभियान सञ्चालन गर्दै आएको डीएसपी कृष्ण खड्काले बताए
