क्रेजी संवाददाता
पथरी । मोरङको पथरीशनिश्चरे नगरपालिकाको सहयोगमा विहिबार वडा नम्बर–८ मा अवस्थित बुद्ध माध्यमिक विद्यालयका विद्यार्थीका लागि साईबर अपराध सम्बन्धी कानूनी परामर्श तालिम सम्पन्न भएको छ ।
कार्यक्रममा बोल्दै नगर प्रमुख दिलिपकुमार राईले विद्यार्थीहरुका लागि साइबर कानून सम्बन्धी जानकारी हुनु आवश्यक रहेकाले यसखाले कार्यक्रम तय भएको जनाए ।
कार्यक्रममा विद्यालयका प्रधानाध्यापक बोधराज सिग्देल, युवा समाजसेवी नवीनजंग कार्की सहितले विद्यार्थीलाई साइवर अपराधबाट सुरक्षित बनाउनु पर्नेमा जोड दिए ।
प्रदेश भिजन प्रा.लि.को आयोजना र सञ्चारकर्मी ईस्वर दुलालको संयोजनमा सम्पन्न तालिमको कानून व्यवसायी ईन्द्रकुमार लुईटेलले सहजीकरण गरेका थिए ।
