प्रेमप्रसाद भट्टराई(के.डी ) नेपाली काँग्रेसको राष्ट्रिय जागरण अभियान आज पथरीमा सम्पन्न भएको छ । पथरी उद्योग वाणिज्य संघको सभाहलमा सम्पन्न भएको सो कार्यक्रममा नेपाली काङ्ग्रेस पथरीशनिश्चरे नगरसभापति टेकवहादुर थापाको सभापतित्व रहेको थियो ।
पूर्व मन्त्रि तथा नेपाली काङग्रेसका केन्द्रिय नेता कृष्ण सिटौलाको प्रमुख आतिथ्यतामा भएको कार्यक्रममा नेपाली काङग्रेसका नेता वसन्त भटराई, शेखरचन्द्र थापा, सुयर्मा राई लगायतको आतिथ्यता रहेको थियो । कार्यक्रममा वोल्दै नेता सिटौला ले काँग्रेसलाई सिध्याउन खोज्नेहरु आफै सकिएर जाने बताएका छन् । उनले भने, ‘काँग्रेसलाई सक्न पञ्च लागे, माओबादीको बन्दुक पनि सिध्याउन लागे, ज्ञानेन्द्रले पनि सक्न खोजे । काँग्रेस सकिएन, अन्ततः उनिहरु आफै सकिए’
स्थानीय कार्यकर्ताहरुले काँग्रेस भित्र चरम गुटबन्दी, नेतृत्वको आलोचनासहितको प्रश्न उठाएपछि उनले काँग्रेस भित्र सुधारको थालनी केन्द्रबाट गर्नुपर्ने बताए । उनले मंगलबार पथरी, मोरङमा राष्ट्रिय जागरण अभियानमा सम्बोधन गर्दै सो कुरा बताएका हुन् । डेढ वर्षदेखि मूल्याङ्कन संघर्षसहितको प्रतिस्पर्धा गरिरहेको बताउँदै उनले कम्युनिष्ट त्रासदीबाट मुक्त पार्न आवश्यक रहेको बताएका छन् । देशमा निरन्तर महंगी, हत्या वलात्कारका घटना वढिरहदा पनि पार्टीका नेताहरुले सरकारको ध्यानाकर्षण गराउन नसकेकोमा कार्यक्रममा उपस्थित पार्टि कार्यकर्ताहरुले गुनासो पाखेका थिए ।
हाम्रो बारेमा
यो वेवसाइट क्रेजी डटकम साप्ताहिकको आधिकारिक न्यूज पोर्टल हो । वि.सं. २०६९ देखि मोफसलमा मनोरञ्जनात्मक समाचारलाई विशेष प्राथमिकता दिदैं हरेक विहिबार निरन्तर प्रकाशन हुँदै आएको छ क्रेजी डटकम साप्ताहिक । विशेषतः हामीले कला मनोरञ्जन समाचारलाई मुख्य स्थान दियौं त्यसैले केन्द्रसँग पहुच नपुग्ने कलाकारहरुलाई थोरै भएपनि सपोर्ट भएको हामीले महसुस गरेका छौं । हाल आएर क्रेजी डटकम साप्ताहिकले सबै वर्गका पाठकहरुको ध्यानलाई मध्यनजर गरी समाचार सम्प्रेषण गर्दै आइरहेको छ ।
मो.जि.प्र.का.द.नं.
२४१/०६९/०७०