फिल्म ‘सरी मम’को पोस्टर : तन्नेरीलाई लागुऔषधविरुद्धको सन्देश
लागुऔषध दुर्व्यसनको कथावस्तुमा निर्माण भएको फिल्म ‘सरी मम’को पहिलो पोस्टर सार्वजनिक भएको छ । यो सोसल ड्रामा फिल्मको दुई फस्टलुकमा आमा र छोराबीचको सम्बन्धलाई प्रस्तुत गरिएको छ । अर्को पोस्टरमा सरोज खनाल, सरिता लामिछानेसहितका कलाकार छाएका छन् । नवीन बोगटी निर्देशित फिल्मले कुलतमा फसेको नयाँपुस्तालाई सत्मार्गमा हिंड्न सन्देश दिन्छ ।
